SANGERS Francois en Elizabeth Fourie hou op Dinsdag, 17 Maart om 10:00 ’n kuierkonsert by die NG Kerk-kompleks in Jeffreysbaai.
Dié egpaar, bekend vir hulle goue treffer Wil jy Dans Carina, beloof ’n program propvol ou bekende trefferliedjies, splinternuwe musiek en lekker vertellings tussendeur.
Francois en Elizabeth sing reeds sedert hulle studentejare in Pretoria saam, en verower die harte van aanhangers oraloor met hul sprankelende persoonlikhede en tyd-lose musiek.
Hulle is gereeld te sien in televisieprogramme, onder meer JAM, Kwêla, en Jukebox. ’n Verskeidenheid van hul kinder-, ligte- en geestelike cd’s sal te koop wees, asook dvd’s. Kaartjies kos R50 per persoon en is by die deur beskikbaar. Vir meer inligting, skakel Delucia Steyn by 083 300 6103 of Cassie de Jongh by 082 424 7491.
