’n Heerlike markdag met keurige gebak, kraakvars produkte en ’n snuffeltafel . . .
Die Evangelies Gereformeerde Kerk Gamtoosvallei hou op 27 Oktober vanaf 08:00 tot 12:00 ’n markdag by die Wagondrift-pakstoor net buite Hankey.
Die tafels gaan kreun onder pannekoek, roosterkoek, skyfies, kerrie en rys, poeding, vars groente, vleis en gebak.
En wat is ’n basaar nou sonder ’n snuffeltafel?
Jagliefhebbbers kan uitsien na ’n verskeidenheid jagpakette, en trekkers van toeka-se-dae kan besigtig word.
’n Teetuin sal sitplek bied vir dié met moeë voete en vir droë kele sorg, terwyl Funky Frogs kinders sal vermaak.
Vir meer inligting, skakel ds. Hendrik Weyers by 083 256 2910.
