ATKV . . . trapkarre . . . speletjies . . . kunstenaars . . . potjiekos-kompetisie . . . en spitbraai.
Die Laerskool Jeffreysbaai hou groot fees op Vrydag 12 April ter viering van die skool se 100ste bestaansjaar.
Die prettige fees skop af met verskeie speletjies vir leerders: kussinggevegte, sumo-stoei, ‘inflatables’, trekkerritte, boogskiet, ‘paintball’, trapkarre, ‘lasertag’, ‘minute-to-win-it’, fotohokkie en kuns en kunsvlyttafel.
Daar is ’n spesiale afgeskorte speelarea vir kleuters tussen die ouderdom van vier en vyf jaar.
Leerders kan om 11:00 hul springvernuf – op een been – op die maat van musiek op die verhoog ten toon stel.
Vir sportliefhebbers en adrenalien-verslaafdes is daar ’n bergfiets-kompetisie om 12:00.
’n ‘Colour Run’ vind om 15:00 plaas.
Die Junior Mnr. en Mej. Eeufees vind om 17:00 plaas, terwyl die Senior Mnr. en Mej. Eeufees om 18:30 plaasvind. Die ouderdomsgroepe is 6 tot 10 jaar (junior), 11 tot 14 jaar (junior) en 15 to 18 jaar (senior).
Dirk Ellis Motors Jeffreysbaai bied om 18:00 hul 100 Ball Challenge aan. Tydens die uitdaging neem ’n ouer en kind as ’n span deel.
Nog feesvieringe
’n Heerlike ATKV Klank- en Kuieraand met sang deur plaaslike oud-leerders, asook bekende kunstenaars The Wandering Watsons, Onder Konstruksie Therese – Sunshinefactory en The Lucas Reunion vind vanaf 19:00 tot 23:00 plaas.
Daar is ook ’n potjiekoskompetisie en ’n spitbraai. Bestellings vir etes moet vooraf geplaas word. ’n Kontantkroeg sal beskikbaar wees.
Meer inligting
Hekke open om 12:00.
Kostes van kaartjies beloop R50 per persoon (sluit dagpas uit). ’n Dagpas teen R70 vir kinders, word ook aangebied. Kaartjies sluit toegang tot die verskeie kunstenaars in.
Vir meer inligting of inskrywingsvorms, skakel Luzaan of Yolandi by 042 293 1343 tussen 07:00 en 15:00.
